کراچی(نمائندہ خصوصی) وزیر بلدیات سندھ ناصر حسین شاہ نے کہا ہے کہ متحدہ قومی موومنٹ (ایم کیو ایم)پاکستان نے وقار مہدی کے مقابلے میں اپنے امیدوار کے کاغذات واپس لے لیے۔کراچی میں الیکشن کمیشن کے باہر سعید غنی اور دیگر کے ہمراہ میڈیا سے گفتگو کرتے ہوئے ناصر شاہ نے کہا کہ وقار مہدی بلامقابلہ منتخب سینیٹر ہو گئے ہیں۔انہوں نے کہا کہ ڈیل کا تاثر دینا بالکل غلط ہے، پیپلز پارٹی کی یہ سیٹ تھی، ایم کیو ایم سے حلقہ بندیوں اور دیگر معاملات پر بات چیت جاری ہے، ایڈمنسٹریٹرشپ اور سینیٹر شپ کی بات ہو رہی ہے، جی ڈی اے نے بھی کوئی فارم جمع نہیں کرایا۔ناصر حسین شاہ نے کہا کہ ایم کیو ایم کو سندھ میں بھی اپنے ساتھ آنے کی پیشکش کی ہے، 4 ڈویژن میں الیکشن ہوئے ہیں ہم بلدیاتی الیکشن کرانا چاہتے ہیں۔