میں تھی ایک شہزادی،

میں تھی ایک شہزادی،
تتلیاں پکڑنے کے شوق میں،
دور جا نکلی کسی باغ میں،
تتلیوں کے پیچھے بھاگتے ہوئے،
جا پہنچی اک جادوگر کی قید سلاسل میں ،
پھر راہ اک نکالی،
میں نے زمانے سے الگ،
جادوگر سے سیکھ لیا سب جادو ،
جادو بھی وہ جادو ،
سر چڑھ کر بولتا ہوا جادو ،
جادو سے کیا پتھر جادوگر کو ،
اور پری بنا دیا شہزادی کو،
پھر یوں ہوا کہ
اس پری پیکرکو
جو بھی ملا،
پتھر سا آدمی ملا ،
سب کو موم کیا پری نے جب،
تو خود سنگ مر مر کی ہوگئی۔
میں تھی اک پنکھڑی گلاب سی شہزادی،
جو ہوتے ہوتے پتھر کی پری ہوگئی ۔۔۔