اسلام آباد(بیورورپورٹ ) وفاقی وزیر برائے ماحولیاتی تبدیلی شیری رحمان نے کہا ہے کہ کراچی سطح سمندر سے نیچے ہوتاجارہاہے، بیشتر افریقہ اور جھوٹے جزیروں پر مبنی ممالک کا حال بھی پاکستان جیسا ہورہا ہے۔ صحافیوں سے گفتگو کر تے ہوئے وفاقی وزیر شیری رحمن نے کہاکہ کراچی سطح سمندر سے نیچے ہوتاجارہاہے۔ وفاقی وزیر نے کہاکہ پاکستان میں ماحولیاتی تبدیلیوں کے اثرات دیگر دنیا کے ممالک پر بھی اثرانداز ہوں گے۔
انہوںنے کہاکہ گزشتہ حکومت نے ماحولیاتی تبدیلی کے حوالے سے کوئی کام نہیں کیا،کاربن ٹریڈنگ کے حوالے سے منصوبہ بنانے کے لیے سال لگتاہے،ماحولیاتی فنڈ میں 89 بلین ڈالرز کا فنڈ رکھاگیاجبکہ ہدف 100 بلین ڈالرز کا تھا۔شیری رحمان نے کہاکہ بیشتر افریقہ اور جھوٹے جزیروں پر مبنی ممالک کا حال بھی پاکستان جیسا ہورہا ہے۔ وفاقی وزیر نے کہاکہ سیلاب کے باعث پاکستان کو 30 بلین ڈالرز کا نقصان ہوا،گلوبل وارمنگ میں پاکستان کا کردار ایک فیصد بھی نہیں۔ وفاقی وزیر نے کہاکہ پاکستان کو ماحولیاتی تبدیلی کے باعث نقصانات کے پیش نظر ملنے والے فںڈز ناکافی ہیں۔ وفاقی وزیر نے کہاکہ ماحولیاتی تبدیلی کے باعث نقصانات پر ہر ملک ایک دوسرے سے امداد مانگتاہے۔انہوں نے کہاکہ اگلے سال ماحولیاتی تبدیلی کے باعث ساوتھ ایشین ممالک شدید متاثرہوں گے۔ شیری رحمن نے کہاکہ بھارت کے پاس ماحولیاتی تبدیلی سے نپٹنے کے لیے کثیر سرمایہ کاری ہے،ورلڈ لیڈرز سمٹ میں وزیراعظم شہبازشریف ماحولیاتی تبدیلی پر تقریر کریں گے۔ وفاقی وزیر نے کہاکہ وزیراعظم شہبازشریف 8 نومبر کو ماحولیاتی تبدیلی پر مبنی ناروے کے ساتھ مشترکہ کانفرنس کی میزبانی کریں گے،پاکستان سے16 سرکاری نمایندگان کوپ 27 میں شرکت کریں گے۔
