جدہ/اسلام آباد (نیٹ نیوز) وزیرداخلہ رانا ثناءاللہ نے اپنے سعودی ہم منصب سے جدہ میں سعودی وزارت دا خلہ میں ملاقات کی جس میں دوطرفہ تعلقات سمیت مختلف امورزیر غور آئے ۔سعودی نائب وزیر داخلہ ڈاکٹر ناصر بن عبدالعزیزالداود نے رانا ثناءاللہ کا وزارت داخلہ پہنچنے پراستقبال کیا۔وزراءداخلہ ملاقات میں رانا ثناءاللہ کے ساتھ سعودی عرب میں تعینات پاکستانی سفیر عامر خرم راٹھوراورقونصل جنرل خالد مجید بھی موجود تھے۔ملاقات میں پاک سعودی دو طرفہ تعلقات سمیت، باہمی دلچسپی کے دیگرامور پر بات چیت کی گئی ۔ ملاقات میں مشترکہ چیلنجز سے نمٹنے کیلئے دونوں ممالک کی داخلہ وزارتوں کے درمیان کوارڈینیشن مزید بہتر بنانے پر اتفاق کیا گیا ۔وزیر داخلہ رانا ثناءاللہ نے اپنے ہم منصب کوخادمین حرمین شریفین کا حج 2022 پر بہترین انتظامات کرنے پرمبارکباد پیش کی۔وزیر داخلہ نے پاکستان سے عازمین حج کیلئے روڑ ٹو مکہ پراجیکٹ کے کامیاب انعقاد پر مبارکباداورسعودی حکومت کا شکریہ ادا کیا۔وزیر داخلہ نے کہاکہ پاکستان اور سعودی عرب کی داخلہ وزارتوں کے درمیان روابط میں بہتری لانے کی ضرورت ہے۔ انہوںنے کہاکہ پاکستان اورسعودی عرب کے درمیان سکیورٹی تعاون مزید بڑھائیں گے۔ انہوںنے کہاکہ پاکستان اورسعودی عرب ملکر تمام داخلی اورعلاقائی سکیورٹی چیلنجز کا مقابلہ کرینگے۔ انہوںنے کہاکہ پاکستان اورسعودی عرب کے تعلقات تاریخی، دیرینہ اوربرادرانہ ہیں۔انہوں نے کہاکہ پاکستان کے عوام خادمین حرمین شریفین سے خاص عقیدت اورمحبت رکھتے ہیں۔انہوں نے کہاکہ سعودی عرب نے پاکستان کے مشکل ترین حالات میں ہمیشہ فراخدلانہ مدداورمعاونت کی ہے۔وزیر داخلہ نے کہاکہ حج پربہترین انتظامات کرنے پر سعودی حکومت اور خادمین حرمین شریفین کومبارکباد پیش کرتا ہوں۔وزیر داخلہ رانا ثناءاللہ نے کہاکہ پاکستان سے روڑ ٹو مکہ پراجیکٹ کے کامیاب انعقاد پر پوری ٹیم کو مبارکباد پیش کرتاہوں۔ انہوںنے کہاکہ رواں برس پاکستان سے 80 ہزار سے زائد حج زائرین نے روڑ ٹو مکہ سہولت سےاستفادہ کیا۔
رانا ثناءاللہ کی سعودی ہم منصب سے ملاقات ،دوطرفہ تعلقات پر تبادلہ خیال دونوں ممالک کی داخلہ وزارتوں کے درمیان کوارڈینیشن مزید بہتر بنانے پر اتفاق
Previous Post
سی اے اے کا ملک بھر میں زمینوں پر قبضے چھڑانے کیلئے سروے کا کام جاری پہلے مرحلے میں کراچی میں پاکستان سی اے اے کی زمینوں کا سروے کیا جارہا ہے،ذرائع سی اے اے
Next Postشہباز گل وہ طوطا ہے جس میں عمران خان سمیت کئی لوگوں کی جان ہے ، عمران خان کو اصل ڈر یہ ہے کہ کہیں وہ ڈوریں ہلانے والوں کا نام نہ بتا دے،وفاقی وزیر جاوید لطیف
