پیرس (نمائندہ خصوصی)فرانس میں پاکستان کی سفیر ممتاز زہرہ بلوچ نے تہذیبوں کے درمیان مکالمے کے بین الاقوامی دن کے موقع پر یونیسکو میں منعقدہ ’’شاہراہ ریشم کی روایات اور بین الثقافتی مکالمہ‘‘ کے موضوع پر ایک سیمینار میں شرکت کی۔پاکستانی سفارت خانے کی جانب سے جمعرات کو ایکس پر جاری بیان کے مطابق اس موقع پر خطاب 
کرتے ہوئے سفیر ممتاز زہرہ بلوچ نے شاہراہ ریشم کی تاریخ اور اس کے اہم سنگم پر واقع ٹیکسلا کی کلیدی حیثیت کا ذکر کیا۔ انہوں نے شاہراہ ریشم کی روح کو ازسر نو زندہ کرنے اور مکالمے، ثقافتی تنوع کے احترام، باہمی افہام و تفہیم اور پرامن تعاون کے فروغ کی اہمیت کو اجاگر کیا۔ پاکستان کی سفیر نے بات چیت، تعمیری روابط اور کثیرالجہتی تعاون کے فروغ میں یونیسکو کے اہم کردار کا بھی ذکر کیا۔ یہ تقریب تہذیبوں کے درمیان مکالمے کے بین الاقوامی دن کی مناسبت سے دن بھر جاری رہنے والی تقریبات کا حصہ تھی جس میں شاہراہ ریشم کے ثقافتی تنوع کی نمائندگی کے طور پر پاکستانی کھانوں کو بھی پیش کیا گیا۔
فرانس میں پاکستان کی سفیر ممتاز زہرہ بلوچ کی تہذیبوں کے درمیان مکالمے کے بین الاقوامی دن کے موقع پر یونیسکو میں منعقدہ سیمینار میں شرکت
پچھلی پوسٹ
آزادکشمیر میں مسائل کا سیاسی حل نکالا جائے،سیاسی فیصلے سڑکوں پر نہیں ہوتے،کشمیری قوم پاکستان سے پیار کرتی ہے۔مشعال ملک
اگلی پوسٹوزیراعظم شہباز شریف نے پاکستان ریلویز میں جامع اصلاحات کیلئے سٹرٹیجک روڈ میپ کی منظوری دیدی، عملدرآمد کیلئے عالمی ماہرین اور کنسلٹنٹس کی خدمات حاصل کرنے کی ہدایت
