امریکا ایران جنگ بندی میں پاکستان کے کلیدی کردارکی عالمی سطح پربھرپورپذیرائی

اسلام آباد۔(نمائندہ خصوصی)امریکا ایران جنگ بندی میں پاکستان کے کلیدی کردارکی عالمی سطح پربھرپورپذیرائی کی جا رہی ہے۔ امریکی رکنِ کانگریس جیک برگمین نے وزیراعظم محمد شہبازشریف اورفیلڈ مارشل سید عاصم منیرکے نام اہم تعریفی خط میں کانگریشنل پاکستان کاکس کی جانب سے پاکستان کی سیاسی وعسکری قیادت کیلئے مخلصانہ تشکر اوردائمی قدردانی کا اظہار کیا گیا ہے۔ کانگریشنل پاکستان کاکس کے شریک چیئرمین امریکی گانگریس رکن جیک برگمین کا کہنا تھا کہ پاکستان کا امریکہ اورایران کومذاکرات کی میزپرلاناحقیقی ریاستی بصیرت کا ثبوت ہے ۔امریکی رکنِ کانگریس نے کہا ہے کہ فریقین کے درمیان جاری امن مذاکرات میں پاکستانی سیاسی وعسکری قیادت کی رہنمائی پردلی مشکور ہوں۔ امریکی رکنِ کانگریس جیک برگمین نے کہا کہ پاکستان اورامریکہ کے تعلقات دیرپا اسٹریٹجک اہمیت کے حامل ہیں۔انہوں نے کہا کہ وائٹ ہاؤس اورامریکی کانگریس پاکستان کے منفرد اورمثبت سفارتی کردارکا عوامی سطح پراعتراف کرچکے ہیں۔ انہوں نے کہا کہ پاک امریکہ اسٹریٹجک تعلقات کومزید مضبوط بنانےکیلئے جلد پاکستان کا دورہ کروں گا۔