نائب وزیر اعظم اسحاق ڈار کی برطانوی وزیر خارجہ ایویٹ کوپر سے ٹیلیفون پر گفتگو، خطے کی بدلتی ہوئی صورتحال پر تبادلہ خیال

اسلام آباد۔(نمائندہ خصوصی):نائب وزیر اعظم و وزیر خارجہ سینیٹر محمد اسحاق ڈار نے برطانوی وزیر خارجہ ایویٹ کوپر سے ٹیلیفون پر گفتگو کی۔بدھ کو وزارت خارجہ سے جاری بیان کے مطابق​دونوں رہنمائوں نے خطے کی بدلتی ہوئی صورتحال پر تبادلہ خیال کیا۔​برطانوی وزیر خارجہ ایویٹ کوپر نے خطے میں امن و استحکام کے لیے پاکستان کی مسلسل کوششوں اور اس سلسلے میں پاکستان کے مستقل تعاون کو سراہا۔​نائب وزیر اعظم و وزیر خارجہ نے فریقین کے درمیان مذاکرات، سفارت کاری اور تعمیری روابط کو فروغ دینے کے لیے پاکستان کے عزم کا اعادہ کیا۔​دونوں رہنمائوں نے مستقبل میں بھی قریبی رابطہ برقرار رکھنے پر اتفاق کیا۔