اسلام آباد۔:(نمائندہ خصوصی)نجکاری کمیشن بورڈ کا 251واں اجلاس وزیراعظم کے مشیر برائے نجکاری محمد علی کی زیرِ صدارت بدھ کو منعقد ہوا جس میں زرعی ترقیاتی بینک لمیٹڈ (زیڈ ٹی بی ایل ) کی نجکاری سے متعلق اہم سفارشات کابینہ کمیٹی برائے نجکاری کو بھجوانے کی منظوری دی گئی ۔بورڈ نے مالیاتی مشیر کی جانب سے دی گئی
تفصیلی بریفنگ کے بعد زرعی ترقیاتی بینک لمیٹڈ کے لئے مجوزہ ٹرانزیکشن ا سٹرکچر اور جامع ری سٹرکچرنگ پلان کی توثیق کی۔ ان تجاویز کو تفصیلی غور و خوض کے بعد حتمی شکل دی گئی جس میں حکومتِ پاکستان کے لئے زیادہ سے زیادہ مالی و تذویراتی فوائد کو مدنظر رکھا گیا۔یہ سفارشات اب آئندہ اجلاس میں غور کے لئے کابینہ کمیٹی برائے نجکاری کو پیش کی جائیں گی۔بورڈ نے حکومت کے نجکاری ایجنڈے کو مؤثر، شفاف اور تزویراتی انداز میں آگے بڑھانے کے عزم کا اعادہ بھی کیا۔
نجکاری کمیشن بورڈ کا 251واں اجلاس ، زرعی ترقیاتی بینک لمیٹڈ کی نجکاری کیلئے ٹرانزیکشن ا سٹرکچر کی منظوری کی سفارش
