صدر مملکت آصف علی زرداری کی فتح-II میزائل سسٹم کے کامیاب تجربے پر مسلح افواج اور پوری قوم کو مبارکباد

اسلام آباد( نمائندہ خصوصی):صدر مملکت آصف علی زرداری نے پاکستان آرمی سٹریٹیجک فورسز کمانڈ کی جانب سے مقامی طور پر تیار کردہ فتح-II میزائل سسٹم کے کامیاب تجربے پر مسلح افواج اور پوری قوم کو مبارکباد دیتے ہوئے کہا ہے کہ قومی دفاع کو ناقابلِ تسخیر بنانے کیلئے مقامی ٹیکنالوجی کا فروغ ناگزیر ہے۔منگل کو ایوان صدر کے پریس ونگ سے جاری بیان میں صدرِ مملکت نے جدید دفاعی صلاحیت کے فروغ میں مصروف سائنسدانوں اور انجینئرز کی فنی مہارت کو خراجِ تحسین پیش کیا۔صدر مملکت آصف علی زرداری نے کہا کہ قومی دفاع کو ناقابلِ تسخیر بنانے کیلئے مقامی ٹیکنالوجی کا فروغ ناگزیر ہے۔ انہوں نے کہا کہ وطن کے دفاع کو مضبوط بنانے کیلئے مسلح افواج اور متعلقہ اداروں کی کاوشیں قابلِ ستائش ہیں۔