نیپرا نے سولر صارفین کے لیے بڑا ریلیف دیتے ہوئے 25 کلو واٹ یا اس سے کم صلاحیت کے نظام پر لائسنس کی شرط ختم کر دی

اسلام آباد۔( نمائندہ خصوصی):نیشنل الیکٹرک پاور ریگولیٹری اتھارٹی (نیپرا) نے سولر صارفین کے لیے بڑا ریلیف دیتے ہوئے 25 کلو واٹ یا اس سے کم صلاحیت کے نظام پر لائسنس کی شرط ختم کر دی ہے، جس سے گھریلو اور چھوٹے کاروباری صارفین کے لیے سولر توانائی مزید آسان ہو جائے گی۔منگل کو ترجمان پاور ڈویژن کی جانب سے جاری بیان کے مطابق نیپرا نےسولر صارفین کے لئے خوشخبری دیتے ہوئے 25کلو واٹ اور اس سے کم سولر صارفین کے لئے نیپرا سے لائسنس کی شرط ختم کردی۔وفاقی وزیر پاور اویس لغاری کی خصوصی ہدایت پر پاور ڈویژن نے نیپرا کو خط لکھا تھا اورپاور ڈویژن نے 25کلو واٹ اور اس سے کم سولر صارفین کیلئے نیپرا سے لائسنس ختم کرنے کی درخواست کی تھی ۔نیپرا نے پاور ڈویژن کے خط کے بعد نوٹیفکیشن جاری کردیا ہے۔