نائب وزیراعظم اسحاق ڈار کا وائٹ ہاؤس کارسپونڈنٹس ڈنر میں پیش آنے والے فائرنگ کے واقعے پرافسوس کا اظہار

اسلام آباد۔( نمائندہ خصوصی)نائب وزیراعظم و وزیر خارجہ سینیٹر محمد اسحاق ڈار نے وائٹ ہاؤس کارسپونڈنٹس ڈنر میں پیش آنے والے فائرنگ کے واقعے پر گہرے صدمے اور صدر ٹرمپ کے لئے نیک خواہشات کا اظہار کیا ہے۔ اتوار کو ایکس پر اپنے پیغام میں نائب وزیراعظم و وزیر خارجہ سینیٹر محمد اسحاق ڈار نے کہا کہ انہیں یہ جان کر اطمینان ہوا کہ صدر ڈونلڈ ٹرمپ، نائب صدر جے ڈی وینس اور خاتونِ اول محفوظ ہیں۔نائب وزیراعظم نے کہا کہ ہم ہر قسم کے تشدد کی سختی سے مذمت کرتے ہیں کیونکہ تشدد سفارت کاری کا دشمن ہے اور کسی بھی مہذب معاشرے میں ناقابلِ برداشت ہے۔ہماری نیک تمنائیں امریکہ کے صدر ڈونلڈ ٹرمپ اور امریکی عوام کے ساتھ ہیں۔