واشنگٹن ( نمائندہ خصوصی):وفاقی وزیرزیر خزانہ ومحصولات سینیٹر محمد اورنگزیب نے واشنگٹن ڈی سی میں باروئرز پلیٹ فارم کے اجرا کے موقع پر اقوام متحدہ کے سیکریٹری جنرل انتونیو گوتریس سے ملاقات کی۔ وزیر خزانہ نے سیکریٹری جنرل کی 
تقریب میں شرکت کو سراہتے ہوئے اس اہم پلیٹ فارم کے قیام میں ان کے تعاون پر شکریہ ادا کیا۔ ملاقات کے دوران دونوں رہنماؤں نے مشرق وسطیٰ کی موجودہ صورتحال کے عالمی معیشت پر اثرات پر تبادلہ خیال کیا اور خاص طور پر ترقی پذیر ممالک میں خوراک اور توانائی کے تحفظ پر اس کے اثرات کا جائزہ لیا۔ اقوام متحدہ کے سیکریٹری جنرل نے خطے اور عالمی سطح پر امن و استحکام کے لیے پاکستان کے کردار کو سراہا اور اس حوالے سے پاکستان کی کاوشوں پر اعتماد کا اظہار کیا۔
وفاقی وزیرزیر خزانہ کی اقوام متحدہ کے سیکریٹری جنرل سے ملاقات، مشرق وسطیٰ کی صورتحال کے عالمی معیشت پر اثرات پر تبادلہ خیال
