عید الفطر کے موقع پر لائن آف کنٹرول پر تعینات پاک فوج کے جوانوں کا قوم کے نام خصوصی پیغام

اسلام آباد۔( نمائندہ خصوصی):عید الفطر کے موقع پر لائن آف کنٹرول پرفرائض کی انجام دہی کیلئے تعینات پاک فوج کے جوانوں نے قوم کے نام اپنے خصوصی پیغام میں ملک بھرکےعوام کوعیدکی مبارکباد پیش کی ہے۔سکیورٹی ذرائع کے مطابق ایل او سی پر تعینات پاک فوج کے بہادر جوانوں نےاپنے پیغام میں کہا کہ وطن عزیز کا دفاع او لین ترجیح ہے،ہم چوکس ہیں تاکہ قوم پرامن ماحول میں خوشیاں منا سکے۔پاک فوج کے جوانوں نے اس عزم کا اظہار کیا کہ کسی بھی قسم کی جارحیت کا بھرپور جواب دینے کے لیے ہمہ وقت تیار ہیں ۔ انہوں نے کہا کہ اہلِ خانہ سے دور ہیں مگر ملک کی سلامتی اور عوام کی خوشی ہی ہمارے کے لیے سب سے بڑی عید ہے ،قوم کا اعتماد اور محبت ہمارے حوصلے کو مزید بلند کرتی ہے۔ عید الفطر کے پرمسرت موقع پرجہاں پوراملک خوشیوں میں مصروف ہے،وہیں سرحدپرتعینات پاک فوج کےجوان وطن کےدفاع کیلئےمستعدکھڑےہیں۔