لاہور ۔( نمائندہ خصوصی)وزیراعظم محمد شہباز شریف اور ترکمانستان کے صدر سردار بردی محمدوف نےپاکستان اور ترکمانستان کے درمیان دوطرفہ تعلقات کی مثبت پیش رفت پر اطمینان کا اظہار کرتے ہوئے باہمی دلچسپی کے تمام شعبوں بالخصوص تجارت، توانائی، رابطے اور علاقائی ترقی میں تعاون کو مزید مضبوط بنانے کے عزم کا اعادہ کیا ہے۔ہفتہ کو 
وزیراعظم آفس کے میڈیا ونگ سے جاری بیان کے مطابق وزیراعظم محمد شہباز شریف نے عیدالفطر کے پُرمسرت موقع پر ترکمانستان کے صدر سردار بردی محمدوف سے ٹیلیفون پر گفتگو کی۔وزیراعظم نے ترکمان صدر، ترکمان قیادت اور برادر عوام کو عیدالفطر کی مبارکباد دی۔ ترکمانستان کے صدر نے بھی نہایت گرمجوشی سے ان جذبات کا جواب دیا اور پاکستانی عوام کے لیے نیک خواہشات کا اظہار کیا۔دونوں رہنماؤں نے پاکستان اور ترکمانستان کے درمیان دوطرفہ تعلقات کی مثبت پیش رفت پر اطمینان کا اظہار کیا اور باہمی دلچسپی کے تمام شعبوں خصوصاً تجارت، توانائی، رابطے اور علاقائی ترقی میں تعاون کو مزید مضبوط بنانے کے عزم کا اعادہ کیا۔دونوں رہنماؤں نے علاقائی معاملات میں تعاون بالخصوص باہمی مفاد کے منصوبوں کو آگے بڑھانے کی اہمیت پر بھی زور دیا۔ دونوں راہنماوں کے درمیان گفتگو نہایت خوشگوار اور باہمی خیرسگالی کے ماحول میں ہوئی جس سےدوطرفہ دوستانہ تعلقات کی عکاسی ہوتی ہے۔
وزیراعظم شہباز شریف اور صدر ترکمانستان کے درمیان ٹیلی فونک گفتگو، دوطرفہ تعلقات کی مثبت پیش رفت پر اطمینان کا اظہار
