کوسٹ گارڈز کے جوانوں نے اپنی جانیں قربان کر کے دہشت گردوں کے مذموم عزائم کو ناکام بنایا ہے۔فرح عظیم شاہ

کویٹہ( نمائندہ خصوصی)رکن بلوچستان اسمبلی۔ کامن ویلتھ پارلیمنٹری ایسوسی ایشن کی ایگزیکٹو ممبر ۔ایمان پاکستان ٹرسٹ کی چیئرپرسن محترمہ فرح عظیم نے گوادر کے علاقے میں کوسٹ گارڈز کی چیک پوسٹ پر فائرنگ کے واقعے کی شدید الفاظ میں مذمت کی ہے اور حملے میں جام شہادت نوش کرنے والے کوسٹ گارڈز کے اہلکاروں سلیم اور عدنان کو ان کی عظیم قربانی پر شاندار خراج عقیدت پیش کیا ہے۔رکن بلوچستان اسمبلی وسابق ترجمان بلوچستان حکومت محترمہ فرح عظیم شاہ نےشہداء کے لواحقین سے دلی ہمدردی اور تعزیت کا اظہار کرتے ہوئے کہا کہ شہید اہلکاروں کے خاندانوں کے دکھ میں برابر کے شریک ہیں اور ان کا پورا خیال رکھا جائے گا۔محترمہ فرح عظیم شاہ نےمزید کہا کہ کوسٹ گارڈز کے جوانوں نے اپنی جانیں قربان کر کے دہشت گردوں کے مذموم عزائم کو ناکام بنایا ہے، ان کی یہ قربانی رائیگاں نہیں جائیں گی۔محترمہ فرح عظیم شاہ نےواقعہ میں زخمی ہونے والے سپاہی عظیم کے لیے جلد صحت یابی کی دعا کی