کراچی میں بینک عملہ ملوث: اسٹریٹ کرائم کی ایک اور واردات سامنے آگئی۔

کراچی ( کرائم رپورٹر)کراچی میں اسٹریٹ کرائم کی ایک اور واردات سامنے آگئی۔ اصفہانی روڈ پر پیراڈائز بیکری کے قریب واقع سوسائٹی میں تین ڈاکو داخل ہوگئے۔ ملزمان نے بینک سے رقم لے کر گھر آنے والے بزرگ شہری کو نشانہ بنایا اور سوسائٹی کے اندر گھس کر اس سے 4 لاکھ روپے لوٹ کر فرار ہوگئے۔ متاثرہ شہری کے مطابق ڈاکوؤں نے صرف وہی رقم لوٹی جو وہ بینک سے نکال کر لائے تھے جبکہ موبائل فون تک نہیں لیا۔ شہری کا کہنا ہے کہ ملزمان کو رقم کا پہلے سے علم تھا جس سے بینک عملے کی مبینہ مداخلت کا شبہ ظاہر کیا جا رہا ہے۔