عیدالفطر کی مناسبت سے روایتی ’’بلوچی چپل‘‘کی طلب میں نمایاں اضافہ

اسلام آباد۔( نمائندہ خصوصی):دستکاری اور ثقافتی دلکشی کے لیے مشہور روایتی ’’بلوچی چپل‘‘ ملک بھر میں بہت مقبول ہیں۔ ان میں نوروزی، مری اور بالاج کٹ جیسے سٹائل کی سب سے زیادہ مانگ ہے جو اپنے منفرد ڈیزائن، آرام دہ اور مقامی رسم و رواج سے تعلق کی وجہ سے قابل تعریف ہیں۔ میڈیا رپورٹس کے مطابق کوئٹہ اور ملحقہ شہروں سمیت ملک بھر کے مختلف شہروں اور قصبوں کے بازاروں میں بلوچی چپل کی خریداری سرفہرست ہے ۔صارفین نے نوروزی، موری اور بالاج کٹ چپلوں کی تعریف کرتے ہوئے کہا کہ آرام دہ ، پائیداری اور روایتی دلکشی کے امتزاج کو اجاگر کرتی ہیں۔ بہت سے مردوں ن بلوچی ے چپلوں کے معیار کی تعریف کرتے ہوئے کہ کہا کہ ان میں استعمال کیے گئے دھاگے پائیدار ہیں اور چمڑا بھی نرم لیکن دیرپا ہے جو انہیں روزانہ استعمال اور تہواروں کےلیے موزوں بناتا ہے۔ ایک شخص نے کہا کہ دھاگے کا عمدہ کام اور مضبوط چمڑا ان چپلوں کو عید کے لیے بہترین بناتا ہے جب کہ ایک دوسرے خریدار نے مزید کہا کہ میں ہمیشہ مستند بلوچی چپل کو ترجیح دیتا ہوں جن کی کاریگری بے مثال ہے۔دکانداروں کا کہنا تھا کہ ہم صبح 7 بجے سے شام 5 بجے تک بہت زیادہ مصروف رہتے ہیں کیونکہ عید کی وجہ سے بلوچی چپل کے آرڈر تیار کرنے میں مصروف رہتے ہیںکیونکہ زیادہ تر گاہک اپنی پسند کےڈیزائنز کو منتخب کرنے کے لیے آتے ہیں۔ ایک وینڈر نے کہا کہ مارکیٹ کبھی بھی اتنی جاندار نہیں رہی رواں سال تو ایسے لگتا ہے کہ ہر کوئی عید سے پہلے اپنے لئے بلوچی چپل چاہتا ہے۔انہوں نے اس بات پر روشنی ڈالی کہ ان روایتی چپلوں کی مانگ روز بروز کس طرح بڑھتی جارہی ہے۔ ایک گاہک نے کہا کہ یہ ایک روایت ہے اور ہمیں کوئی اور چپل نہیں چاہیے، ہم ہمیشہ بلوچی چپل کو ہی ترجیح دیتے ہیں کیونکہ عید پر ہاتھ سے تیار کردہ جوتے ثقافتی اہمیت کو اجاگر کرتے ہیں ۔ دکانداروں نے کہا کہ ہم بلوچی چپلوں کی زیادہ مانگ کو پورا کرنے کے لیے سخت محنت کر رہے ہیں کیونکہ خریدار اپنی پسندیدہ بلوچی چپل حاصل کرنے کے لیے بڑی تعداد میں بازاروں کا رخ کررہے ہیں۔