سید یوسف رضا گیلانی سے اراکینِ قومی اسمبلی سید جاوید علی شاہ اور مہرین رزاق بھٹو کی ملاقات

اسلام آباد۔( نمائندہ خصوصی):چیئرمین سینیٹ سید یوسف رضا گیلانی سے اراکینِ قومی اسمبلی سید جاوید علی شاہ اور مہرین رزاق بھٹو نے ملاقات کی۔ملاقات کے دوران سندھ کی مجموعی سیاسی صورتحال، عوامی مسائل اور ترقیاتی امور پر تفصیلی تبادلہ خیال کیا گیا۔یہاں جاری پریس ریلیز کے مطابق اس موقع پر پاکستان پیپلز پارٹی کی تنظیمی سرگرمیوں، عوامی رابطہ مہم اور پارٹی کو مزید فعال بنانے کے حوالے سے بھی گفتگو ہوئی۔ رہنماؤں نے اس عزم کا اظہار کیا کہ پارٹی قیادت اور منتخب نمائندے عوامی مسائل کے حل اور جمہوری اقدار کے فروغ کے لیے مشترکہ طور پر کردار ادا کرتے رہیں گے۔چیئرمین سینیٹ سید یوسف رضا گیلانی نے کہا کہ پاکستان پیپلز پارٹی ہمیشہ عوامی خدمت، جمہوریت کے استحکام اور وفاق کی مضبوطی کے لیے جدوجہد کرتی رہے گی ۔ انہوں نے اس بات پر زور دیا کہ عوام کی فلاح و بہبود اور ملک کی ترقی کے لیے تمام منتخب نمائندے اپنی کوششیں مزید تیز کریں گے۔ملاقات میں ملک کی مجموعی سیاسی صورتحال اور باہمی دلچسپی کے دیگر امور پر بھی تبادلۂ خیال کیا گیا۔