اسلام آباد۔( نمائندہ خصوصی):وفاقی وزیرداخلہ محسن نقوی نے بلوچستان میں 2 مختلف کارروائیوں میں بھارتی سپانسرڈ 15 دہشتگردوں کو جہنم واصل کرنے پر سکیورٹی فورسز کی ستائش کی ہے۔یہاں جاری بیان کے مطابق وزیرداخلہ محسن نقوی نے 
فتنہ الہندوستان اور فتنہ الخوارج کے دہشتگردوں کے خلاف کامیاب آپریشنز پر سکیورٹی فورسز کی جرات اور پیشہ وارانہ مہارت کو سراہا۔وفاقی وزیر داخلہ محسن نقوی نے کہا کہ سکیورٹی فورسز نے بروقت کارروائیاں کرکے خوارجیوں کے ناپاک عزائم کو خاک میں ملایا۔دہشتگردوں کے خلاف کامیاب آپریشنز پر سکیورٹی فورسز کو خراج تحسین پیش کرتا ہوں۔بلوچستان میں فتنہ الہندوستان اور فتنہ الخوارج کے خاتمے کیلئے سکیورٹی فورسز پرعزم ہیں۔قوم دہشتگردی کے خلاف جنگ میں سکیورٹی فورسز کے ساتھ کھڑی ہے۔
وفاقی وزیرداخلہ محسن نقوی کی بلوچستان میں بھارتی سپانسرڈ 15 دہشتگردوں کو جہنم واصل کرنے پر سکیورٹی فورسز کی ستائش
