تہران ( نمائندہ خصوصی)۔:ایرانی صدر مسعود پزشکیان نے ایران کی جانب سے خطے کے پڑوسی ممالک کے خلاف حملوں پر معذرت کر لی ہے۔برطانوی خبر رساں ایجنسی رائٹرز کے مطابق ایرانی صدر نے کہا کہ ملک ان حملوں کو روک دے گا اور انہوں نے بتایا کہ یہ حملے فوجی ریینکس میں غلط فہمی کی وجہ سے ہوئے۔ایرانی صدر کا یہ بیان سنیچر کی صبح بحرین، سعودی عرب اور متحدہ عرب امارات پر متعدد بار ہونے والے حملوں کے بعد سامنے آیا ہے۔سرکاری ٹی وی پر نشر ہونے والے خطاب میں مسعود
پزشکیان نے کہا کہ میں اُن ہمسایہ ممالک سے معذرت خواہ ہوں جن پر ایران نے حملہ کیا۔ایران نے کہا ہے کہ پڑوسی ممالک پر حملے نہیں کریں گے جب تک ہمیں نشانہ نہ بنایا جائے۔ رائٹرز کے مطابق ایران کے صدر مسعود پزشکیان کا کہنا ہے کہ پڑوسی ممالک کے خلاف کوئی حملہ یا میزائل حملے نہیں کیے جائیں گے، جب تک ان ممالک کی سرزمین سے ایران پر حملہ نہ کیا جائے۔ایک بیان میں ایرانی صدر نے کہا کہ عبوری لیڈرشپ کونسل نے پڑوسی ممالک کے خلاف کوئی حملہ یا میزائل حملہ نہ کرنے کی منظوری دے دی ہے۔یہ فیصلہ اس پس منظر میں آیا ہے جب ایران خطے میں امریکی اور اسرائیلی حملوں کے ردعمل کے طور پر کارروائیاں جاری رکھے ہوئے ہے۔ایرانی صدرنےمزید کہا کہ ایران کا مقصد جارحیت نہیں بلکہ اپنے دفاع اور خودمختاری کی حفاظت ہے، اور یہ معطل شدہ پالیسی تب تک جاری رہے گی جب تک ایران کو براہِ راست نشانہ نہ بنایا جائے۔
ایران کی پڑوسی ممالک سے حملوں پر معذرت :پڑوسی ممالک پر حملے نہیں کریں گے جب تک ہمیں نشانہ نہ بنایا جائے، ایران
