کراچی ( نمائندہ خصوصی) پاکستان سپر لیگ فرنچائز سیالکوٹ اسٹالینز کے اکثریتی شیئرز کے مالک محمد شاہد کا کہنا ہے کہ ان کے پارٹنر حمزہ مجید ان کے خلاف بے بنیاد اور جھوٹا پروپیگنڈہ پھیلانے میں مصروف ہیں۔ محمد شاہد کا کہنا ہے کہ ان کے پاس پی ایس ایل فرنچائز میں شراکت داری کا معاہدہ موجود ہے جسے کسی بھی عدالت میں لے جایا جا سکتا ہے۔ حمزہ مجید کا یہ کہنا 
کہ کوئی معاہدہ نہیں ہوا تھا بالکل بے بنیاد اور لغو بات ہے۔حمزہ مجید کی جانب سے مجھے76 فیصد شیئرز بیچنے کے بعد ایک اور پارٹی کو زیادہ قیمت پر پچاس فیصد شیئرز بیچنے کی کوشش کرنا غیرقانونی ہے۔ میری جانب سے اس معاملے کو میڈیا میں اٹھائے جانے کے بعد حمزہ مجید نے وکیل کے ذریعے شراکت داری ختم کرنے کے لئے مجھے قانونی نوٹس بھیجا۔ اگر اس کا الفا گروپ کے ساتھ کوئی معاہدہ نہیں تھا تو پھر مجھے نوٹس کس حیثیت میں بھیجا، نوٹس اسی لئے بھیجا کہ میں اس کا پارٹنر ہوں اگر پی سی بی اور پی ایس ایل انتظامیہ نے بروقت معاملہ حل نہ کروایا تو پھر عدالت کا دروازہ کھٹکھٹانا پڑے گا جس کے لئے پوری تیاری کرلی گئی ہے۔
سیالکوٹ اسٹالینز کا پارٹنرشپ معاہدہ کوئی جھٹلا نہیں سکتا، محمد شاہد
پی ایس ایل فرنچائز میں شراکت داری کا معاہدہ موجود ہے جسے کسی بھی عدالت میں لے جایا جا سکتا ہے۔ حمزہ مجید کا یہ کہنا کہ کوئی معاہدہ نہیں ہوا تھا بالکل بے بنیاد اور لغو بات ہے۔ حمزہ مجید کے دعوے بے بنیاد ہیں، فیصلہ عدالت میں ہوگا
