لاہور( نمائندہ خصوصی):پاکستان قومی کرکٹ ٹیم مارچ میں بنگلہ دیش کا دورہ کرے گی جہاں وہ تین ایک روزہ بین الاقوامی میچوں کی سیریز کھیلے گی۔ بنگلہ دیش کرکٹ بورڈ نے جمعہ کے روز اس سیریز کی تصدیق کی ہے۔قومی ٹیم9 مارچ بروز پیر 
ڈھاکا پہنچے گی اور 10 مارچ کو تربیتی سیشن کرے گی۔ پہلا ون ڈے 11 مارچ بروز بدھ کو شیر بنگلہ نیشنل کرکٹ اسٹیڈیم ڈھاکا میں کھیلا جائے گا۔دوسرا ون ڈے 13 مارچ اور تیسرا وآخری میچ 15 مارچ کو اسی اسٹیڈیم میں ہوگا۔پاکستان کا جولائی 
2025 کے بعد بنگلہ دیش کا یہ دوسرا دورہ ہوگا۔ اس سے قبل پاکستان نے جولائی 2025 میں تین ٹی ٹوئنٹی میچوں کی سیریز کے لیے بنگلہ دیش کا دورہ کیا تھا جس میں میزبان ٹیم نے2-1 سے کامیابی حاصل کی۔ بنگلہ دیش نے گزشتہ سال مئی اور جون میں پاکستان کا دورہ کیا تھا جہاں سلمان علی آغا کی قیادت میں پاکستان نے تین ٹی ٹوئنٹی میچوں کی سیریز 3-0 سے جیت لی تھی۔
