وزیراعلی مریم نواز شریف کا دوران ڈیوٹی فارسٹ رینجرز محمد اکرم کو شہید کرنے پر گہرے دکھ اور افسوس کا اظہار

لاہور( نمائندہ خصوصی) وزیراعلی پنجاب مریم نواز شریف نے دوران ڈیوٹی فارسٹ رینجرز محمد اکرم کو شہید کرنے پر گہرے دکھ اور افسوس کا اظہار کیا ہے۔وزیراعلی مریم نواز شریف نے فیصل آباد میں شہید ہونے والے فارسٹ رینجر محمد اکرم کی قربانی کو خراج تحسین پیش کیا ہے۔فارسٹ رینجر محمد اکرم کو جڑانوالہ کے نواح میں ٹمبر مافیا نے کلہاڑیوں کے وار کرکے شہید کردیا۔وزیراعلیٰ مریم نواز شریف نے کہا کہ دوران ڈیوٹی جام شہادت نوش کرنے والے محمد اکرم کی قربانی یاد رکھی جائے گی۔ محمد اکرم نے ٹمبر مافیا سے جنگلات کو بچانے کے لئے جان دیدی۔ وزیراعلی مریم نواز شریف نے محمد اکرم کے قاتلوں کی فوری گرفتاری کا حکم دیا ہے۔