پاکستان مسلم لیگ(ن) کے صدر محمد نواز شریف سے ازبک سفیر علی شیر تختیوف کی ملاقات دو طرفہ اقتصادی تعاون بڑھانے اور باہمی دلچسپی کے امور پر تبادلہ خیال،

لاہور( نمائندہ خصوصی) پاکستان مسلم لیگ(ن) کے صدر محمد نواز شریف سے ازبک سفیر علی شیر تختیوف نے ملاقات کی۔ ملاقات میں دو طرفہ اقتصادی تعاون بڑھانے اور باہمی دلچسپی کے امور پر تبادلہ خیال کیا گیا۔ ازبک سفیر نے صدر مسلم لیگ (ن)کو ازبکستان کے صدر شوکت مرزائیوف کا خط پہنچایا۔ ازبک صدر نے اپنے خط میں لکھا کہ محمد نواز شریف پاکستان کے محب وطن بیٹے ہیں جنہوں نے پاکستانی عوام کیلئے شاندار منصوبے بنائے۔خط میں وزیر اعلیٰ پنجاب مریم نواز شریف کے عوامی فلاحی منصوبوں کو سراہا گیا۔ ازبک صدر نے صدر مسلم لیگ (ن)محمد نواز شریف اور وزیر اعلیٰ مریم نواز شریف کو ازبکستان کے دورے کی دعوت دی۔