لاہور( نمائندہ خصوصی):وفاقی وزیر اطلاعات و نشریات عطاء اللہ تارڑ نے مسلم لیگ (ن) لائرز ونگ کے صدر سابق ایم این اے میاں نصیر بھٹہ اور ظہیر بھٹہ کے کزن حسیب بھٹہ اور مرحوم حسیب بھٹہ کی اہلیہ جو سڑک حادثہ میں جاں بحق ہو گئے تھے، 
کی نماز جنازہ میں شرکت کی نماز جنازہ ہفتہ کو جامعہ مسجد انجینئر ٹاؤن لاہور میں ادا کی گئی۔ اس موقع پر وفاقی وزیر اطلاعات نے سابق رکن قومی اسمبلی و صدر مسلم لیگ (ن) لائرز ونگ پاکستان میاں نصیر احمد بھٹہ، ظہیر بھٹہ، مجاہد بھٹہ اور ہاشم بھٹہ سے دلی تعزیت اور ہمدردی کا اظہار کیا۔ انہوں نے مرحومین کے درجات کی بلندی اور لواحقین کے لئے صبر جمیل کی دعا بھی کی۔
