رحیم یار خان ( نمائندہ خصوصی)رحیم یار خان پولیس نے تھانہ احمد پور لمہ کی حدود سے دو روز قبل اغوا ہونے والے 2 شہریوں کو کچہ سے بحفاظت بازیاب کروا لیا،رحیم یار خان پولیس نے بدنام زمانہ اغوا کار ابراہیم ماچھی کو گرفتار کر لیا،مغوی نبیل اور 
حسنین کو دو روز قبل مسلح ملزمان نے احمد پور لمہ کی حدود سے اغوا کیا تھا، ترجمان پنجاب پولیس کے مطابق رحیم یار خان پولیس نے تھانہ احمد پور لمہ میں مقدمہ درج کر رکھا تھا، رحیم یار خان پولیس نے آپریشن کے دوران اغوا کار ابراہیم ماچھی کو 
بھی گرفتار کرلیا، ترجمان پنجاب پولیس کے مطابق آئی جی پنجاب ڈاکٹر عثمان انور کی مغوی شہری کی بحفاظت بازیابی اور بدنام زمانہ اغوا کار کی گرفتاری پر رحیم یار خان پولیس کو شاباش،
پنجاب پولیس رحیم یار خان کا کچہ کریمینلز کے خلاف کامیاب انٹیلیجنس بیسڈ ٹارگٹڈ آپریشن، 2 شہری کچہ سے بحفاظت بازیاب
