کومک کون پاکستان،نیویارک میں عامرسجاد کی گووندا سے ملاقات

نیویارک ( نمائندہ خصوصی)نیو یارک میں عامر سجاد وینچر کے سی ای او عامر سجاد نے بھارت کے معروف اداکار گووندا سے ایک خوشگوار ملاقات کی۔ اس موقع پر عامر سجاد نے گووندا کو آئندہ سال کراچی میں ہونے والے کومک کون پاکستان 2026 کے بارے میں بریفنگ دی عامر سجاد نے گفتگو کے دوران کہا کہ "پاکستان میں گووندا کے لاکھوں مداح موجود ہیں جو انہیں اپنی سرزمین پر دیکھنے کے منتظر ہیں۔ ثقافت اور فن سرحدوں سے بالاتر ہیں اور ایسے ایونٹس دونوں ممالک کے درمیان دوستی، امن اور محبت کے پیغام کو مضبوط بناتے ہیں۔”اداکار گووندا نے سیدعامرسجاد کی بات پر خوشی کا اظہار کرتے ہوئے کہا کہ "فن اور تفریح وہ زبان ہے جو سب کو جوڑتی ہے۔ مجھے پاکستان کے عوام کی محبت کا اندازہ ہے،عامر سجاد نے مزید کہا کہ "پاکستان اور بھارت دونوں پڑوسی ممالک ہیں، اور پڑوسی کبھی تبدیل نہیں ہو سکتے۔ بہتر مستقبل کے لیے ضروری ہے کہ ہم نفرت کے بجائے تعلقات میں ہم آہنگی اور دوستی کو فروغ دیں۔”اس ملاقات کو دونوں ممالک کے درمیان ثقافتی سفارتکاری کی ایک مثبت مثال قرار دیا جا رہا ہے، جو خطے میں امن اور بھائی چارے کے پیغام کو مزید مضبوط کرے گی۔عامرسجاد نے گفتگو کے دوران بتایا کہ کومک کون پاکستان نہ صرف ملکی ثقافت و فنون کی نمائندگی کرے گا بلکہ دنیا بھر کے فنکاروں اور تخلیق کاروں کو ایک پلیٹ فارم پر لا کر ملک کے مثبت اور روشن چہرے کو اجاگر کرے گا۔”یہ ایونٹ آئندہ سال کراچی ایکسپو سینٹر میں31 جنوری 2026 کو منعقد ہوگا جس میں شوبز، ٹیکنالوجی اور تخلیقی صنعتوں سے تعلق رکھنے والے مقامی و بین الاقوامی فنکار و تخلیق کار شریک ہوں گے۔