زمین چاند اور  سورج کےدرمیان آ نے پر پاکستان سمیت دنیا کے مختلف ملکوں میں چاند گرہن کا دلکش نظارہ

کراچی ( نمائندہ خصوصی)چاند گرہن کا اختتام ہو گیا،  زمین چاند اور  سورج کےدرمیان آ نے پر پاکستان سمیت دنیا کے مختلف ملکوں میں چاند گرہن کا دلکش نظارہ کیا گیا۔چاند گرہن کا آغاز اتوار کی رات 8 بجکر 28 منٹ پر ہوا جب چاند کی روشنی مدھم ہونا شروع ہوئی جبکہ جزوی گرہن 9بجکر27منٹ پر ہوا۔ 10 بجکر 31 منٹ پر چاند کو مکمل گرہن لگ گیا جبکہ 11 بجکر 12 منٹ پر چاند گرہن عروج پر پہنچا، اختتام رات ایک بجکر 55 منٹ پر ہوا۔چاند گرہن کے دوران چاند کا رنگ  سفید سے پہلے زرد ہوا اور  پھر سرخ ہوتا گیا جس کے بعد وہ بلڈ مون کی شکل اختیار کر گیا۔ترکیے کے دارالحکومت  انقرہ میں چاند گرہن کے دوران ایک طیارے کی پرواز چاند کے سامنے سے گزری، یہ یادگار لمحہ کیمرے کی آنکھ نے محفوظ کر کے دنیا بھر کو براہ راست دکھایا۔محکمہ موسمیات کے مطابق چاند گرہن کا مشاہدہ یورپ، ایشیاء، آسٹریلیا، افریقہ، شمالی اور جنوبی امریکا میں کیا جا سکے گا۔پاکستانی وقت کے مطابق آج شب رات 8 بج کر 28 منٹ پر چاند کی روشنی مدہم ہونا شروع ہوئی۔چاند کو جزوی گرہن لگنے کا آغاز 9 بجکر 27 منٹ پر ہوا جبکہ مکمل گرہن کا آغاز 10 بجکر 31 منٹ پر ہوا۔ جزوی چاند گرہن کا اختتام 12 بج کر 57 منٹ پر ہو گا، رات 1 بج کر 55 منٹ پر چاند گرہن مکمل اختتام کو پہنچ جائے گا۔