ٹوبہ ٹیک سنگھ ۔(نمائندہ خصوصی ):وفاقی وزیر اطلاعات و نشریات عطاء اللہ تارڑ نے اتوار کو یہاں وفاقی وزیر بحری امور محمد جنید انوار چوہدری کی والدہ کی نماز جنازہ میں شرکت کی۔ اس موقع پر وفاقی وزیر اطلاعات عطاء اللہ تارڑ نے وفاقی 
وزیر جنید انوار چوہدری سے ملاقات کی اور ان کی والدہ کے ایصال ثواب کے لئے فاتحہ خوانی کی۔وفاقی وزیر اطلاعات نے مرحومہ کے اہل خانہ سے دلی تعزیت اور ہمدردی کا اظہار کرتے ہوئے کہا کہ ماں کی جدائی ایسا خلاء ہے جو کبھی پُر نہیں ہو 
سکتا، ماں کی محبت اور شفقت زندگی کی سب سے بڑی نعمت ہے جس کا کوئی نعم البدل نہیں۔ انہوں نے کہا کہ دکھ کی اس گھڑی میں لواحقین کے ساتھ برابر کے شریک ہیں۔انہوں نے دعا کی کہ اللہ تعالیٰ مرحومہ کو اپنے جوار رحمت میں اعلیٰ مقام اور لواحقین کو صبر جمیل عطاء فرمائے، آمین
