چین میں یوم فتح کی مناسبت سے کلچرل گالا کا انعقاد

بیجنگ(شِنہوا)جاپانی جارحیت کے خلاف چینی عوام کی مزاحمت اور فسطائیت مخالف عالمی جنگ میں فتح کی 80 ویں سالگرہ کی مناسبت سے بدھ کی شام تقریباً 6 ہزار افراد نے ایک شاندار ثقافتی تقریب دیکھی۔عظیم عوامی ہال میں منعقدہ اس تقریب میں شریک ہونے والوں میں پارٹی اور ریاستی رہنما شی جن پھنگ، لی چھیانگ، ژاؤ لے جی، وانگ ہوننگ، کائی چھی، ڈنگ شوئے شیانگ، لی شی اور ہان ژینگ شامل تھے۔ تقریب کے آغاز سے پہلے شی جن پھنگ اور دیگر رہنماؤں نے جنگ کے غازیوں سے ملاقات کی۔”انصاف کی فتح” کے عنوان سے منعقدہ اس تقریب میں جاپانی جارحیت کے خلاف چینی عوام کی مزاحمت اور فسطائیت مخالف عالمی جنگ کی عظیم تاریخ کا جائزہ پیش کیا گیا اور مزاحمت میں کمیونسٹ پارٹی آف چائنہ کے مرکزی کردار کو اجاگر کیا گیا۔ تقریب میں جارحیت کے خلاف چینی عوام کی بہادری کا پیغام دیا گیا اور چینی قوم کے ناقابل شکست جذبے کو دکھایا گیا جو دنیا کی اقوام میں بلند ہے۔