کراچی ( کرائم رپورٹر) نیکسٹ کولا اور میزان گھی کے مالک ذوالفقار احمد کو کراچی ماڑی پور روڈ سے اغوا کرلیا گیا، اہلخانہ کے مطابق ذوالفقار دوست کے ساتھ اپنی گاڑی میں ماڑی پور سے کلفٹن جارہے تھے کہ گاڑی میں آٹھ افراد آئے جنہوں نے دونوں کو 
اپنی گاڑی میں بٹھایا، بعد میں دوست قیصر کو راستے میں اتار دیا گیا، جبکہ ذوالفقار احمد کو ساتھ لے گئے میڈیا رپورٹس کے مطابق مقامی سافٹ ڈرنک کمپنی کے مالک ذوالفقار احمد لاپتا ہوگئے، اہلیہ عنبر ذوالفقار نے شوہر کے مبینہ اغوا پر سندھ ہائی کورٹ سے رجوع کرلیا۔سندھ ہائی کورٹ نے وفاقی وزارت داخلہ، محکمہ داخلہ سندھ اور آئی جی سندھ کو نوٹس جاری کردیے۔پٹیشن کے متن میں کہا گیا ہے کہ ذوالفقار احمد کو منگل کے روز ماڑی پور روڈ پر لیاری ایکسپریس وے کے قریب سے اغوا کیا گیا۔سندھ ہائی کورٹ نے پولیس اور دیگر فریقین سے 30 جولائی کو جواب طلب کرلیا۔
