چترال (نمائندہ خصوصی)چترال اسکاؤٹس کے شہید جوان شیر حیات کو فوجی اعزاز کے ساتھ آبائی قبرستان میں سپردِ خاک کردیا گیا 6 ستمبر 2023 کو دہشتگردوں نے اوکسئی پوسٹ پر حملے کے دوران چترال سکاؤٹس کے جوان شیر حیات کو سر پر گولی لگنے سے شدید زخمی ہوا تھا جسے فوراً سی۔ایم۔ایچ پشاور منتقل کیا گیا تھا جہاں پر وہ زیر علاج تھا۔ گزشتہ پانچ دنوں سے وہ زیر علاج تھے کل شام زخموں کی تاب نہ لاتے ہوئے شہادت کے عظیم مرتبے پر فائز ہوئے۔چترال سکاوٹس کے جوان شیر حیات کی نماز جنازہ پورے فوجی اعزاز کیساتھ شیاقوٹیک میں ادا کی گئی۔نمازہ جنازہ میں ڈپٹی کمشنر محمد علی خان ، ڈسٹرکٹ پولیس آفیسر لوئر چترال اکرام اللہ خان سمیت چترال سکاوٹس کے آفسران اور سماجی شخصیات نے کثیر تعداد میں شرکت کی۔ڈی۔پی۔او لوئر چترال اکرام اللہ خان اور ڈپٹی کمشنر محمد علی خان نے شہید کے جسد خاکی پر پھولوں کے گلدستے رکھے اور شہداء کی بلند درجات کیلئے خصوصی دعا مانگی گئی ۔ شہید ہونے والے جوان کی نماز جنازہ گورنمنٹ ہائی سکول گراونڈ شیاقوٹیک لوئر چترال میں پورے فوجی اعزاز کے ساتھ ادا کرنے کے بعد ان کے آبائی قبرستان میں سپرد خاک کیا گیا۔ڈپٹی کمشنر محمد علی خان ، ڈسٹرکٹ پولیس آفیسر لوئر چترال اکرام اللہ خان شہید کے ورثاء سے ملاقات کی اور ان کے ساتھ تعزیت کا اظہار کیا۔
دونوں افسران نے کہا پوری قوم کو آپ کے بیٹے پر فخر ہے اللہ تعالی ہمارے جوانوں کے شہادت کو قبول کریں اور لواحقین کو صبرو جمیل عطاء فرمائیں۔
آمین
شہید کی جو موت ہے
وہ قوم کی حیات ہے
شہادت ہے مطلوب و مقصود مومن
نہ مال غنیمت نہ کشور کشائی
