کراچی کی تاجر برادری نے جمعہ کو لیاقت آباد میں مہنگائی کے خلاف احتجاجی دھرنا دینے کا اعلان

کراچی(کامرس رپورٹر)کراچی کی تاجر برادری نے جمعہ کو لیاقت آباد میں مہنگائی کے خلاف احتجاجی دھرنا دینے کا اعلان کردیا۔انجمن تاجران سندھ کراچی ڈیویڑن کا کہنا ہے روزگار بچاﺅ تحریک کے تحت یہ کارواں اب چل پڑا ہے جو اضافی ٹیکسز کے خاتمے کے بعد ہی رکے گا ، آج عوام و تاجر معیشت کی جنگ میں مبتلا ہیں، چیف آف آرمی سے گزارش ہے کہ بڑھتی ہوئی مہنگائی سے عوام کی جان چھڑائیں۔انجمن تاجران سندھ کراچی ڈیویڑن کے تحت روزگار بچاو تحریک کا مشاورتی اجلاس ناظم آباد کے نجی ہال میں ہوا۔ جس میں عتیق میر ، جمیل پراچہ اور رضوان عرفان، رﺅف ابراہیم نے میڈیا سے گفتگو میں کہا کہ بڑھتی مہنگائی اور بجلی کے بلوں میں اضافی ٹیکسز نے عوام و تاجر کی نیندیں اڑا رکھی ہے ، ہمارے بزرگوں نے ملک بنایا اور موجودہ حکومت نے ملک کو بچانا ہے۔ بڑھتی مہنگائی سے ملکی حالات کشیدگی کی جانب بڑھ رہے ہیں۔تاجررہنماﺅں نے جمعہ8 ستمبر کو لیاقت آباد میںمہنگائی کے خلاف احتجاجی دھرنا دینے کا اعلان کیا۔