مانسہرہ اور کبل ہزارہ میں بارشوں سے حادثات میں11افراد جاں بحق

مانسہرہ(نمائندہ خصوصی)خیبرپختونخوا میں بارشوں کے دوران پیش آنے والے حادثات میں11افراد جاں بحق ہوگئے۔پولیس کے مطابق مانسہرہ کے نواحی علاقے میں کچا مکان گرگیا جس کے باعث 3افراد جاں بحق ہوگئے۔پولیس نے بتایا کہ واقعے میں ماں اور ایک بچہ بھی زخمی ہوئے جنہیں فوری طبی امداد کیلئے اسپتال منتقل کردیا گیا ہے۔پولیس کے مطابق مانسہرہ میں حالیہ بارشوں کے نتیجے میں اب تک8افراد جاں بحق اور 11زخمی ہوچکے ہیں۔دوسری جانب کبل ہزارہ میں دیوار گرنے کا واقعہ پیش آیا جہاں شادی ہال کی دیوار گرنے سے جاں بحق افرادکی تعداد 3ہوگئی ہے۔گزشتہ روز کبل میں تیز آندھی اور بارش سے دیوار گرنے سے5افراد دب گئے تھے۔پولیس کے مطابق موقع پر ایک بچہ اور ایک شخص جاں بحق اور 3افراد زخمی ہوئے تھے۔