مکہ مکرمہ۔(نمائندہ خصوصی):وفاقی وزیرداخلہ محسن نقوی نے رابطہ عالم اسلامی کے سیکرٹری جنرل شیخ ڈاکٹر محمد بن عبدالکریم العیسی سے ملاقات کی ، جس میں اسلامی اور علاقائی امور سے متعلق متعدد موضوعات پر تبادلہ خیال کیا گیا۔جاری پریس ریلیز کے مطابق رابطہ عالم اسلامی کے ہیڈ کوارٹر آمد پر شیخ ڈاکٹر محمد بن عبدالکریم العیسی نے وزیر داخلہ محسن نقوی کا خیرمقدم کیا ۔وفاقی وزیر داخلہ محسن نقوی نے اسلامی شعور و بیداری کے فروغ
میں رابطہ عالم اسلامی کی کوششوں کو سراہا اور حجاج کرام کے لیے بہترین انتظامات پر سعودی عرب کی حکومت کی تعریف کی ۔وزیر داخلہ نے کہاکہ سعودی حکومت نے رواں سال حجاج کرام کی دیکھ بھال کے لئے شاندار انتظامات کئے جس پر سعودی قیادت کے انتہائی شکر گزار ہیں، پاکستان اور سعودی عرب تاریخی اسلامی رشتے میں بندھے ہوئے ہیں۔اس موقع پر رابطہ عالم اسلامی کے سیکرٹری جنرل نے وزیر داخلہ محسن نقوی کو حج کی مبارکباد بھی دی۔
وفاقی وزیرداخلہ محسن نقوی کی رابطہ عالم اسلامی کے سیکرٹری جنرل شیخ ڈاکٹر محمد بن عبدالکریم العیسی سے ملاقات
