نئی دہلی (نمائندہ خصوصی):عالمی جریدے”بلوم برگ“ نے نام نہاد شائننگ بھارت کی کھوکھلی معیشت کو بری طرح بے نقاب کرتے ہوئے کہاہے کہ مودی نے بھارتی عوام کو معاشی پستی اور بحرانوں کی دلدل میں دھکیل دیاہے۔ کشمیرمیڈیاسروس کے مطابق بلوم برگ نے اپنی ایک رپورٹ میں کہاہے کہ بھارتی معیشت کو آنے والے دنوں میں مزید 
دبائو اور توانائی کی ہوشربا قیمتوں کا سامنا کرنا پڑے گا۔ مودی لوگوں کو خود خطرات سے خبردار کرتے ہوئے اخراجات محدودکرنے اور زرمبادلہ کے ذخائربچانے کی اپیل کر رہے ہیں۔بھارت میں سرکاری تیل کمپنیوں کو ہر ماہ تقریباً 300 ارب روپے کا نقصان ہو رہا ہے۔ آئندہ چند مہینوں میں بھارت میں مہنگائی میں مزید اضافہ اور تیل کا بحران مزید شدت اختیار کرے گا، جبکہ بھارتی سٹاک مارکیٹ بھی شدید دبائو کے باعث ایشیا کی کمزور ترین مارکیٹ بن چکی ہے۔ماہرین کے مطابق مودی کے گمراہ کن نعروں پر کھڑی کھوکھلی بھارتی معیشت حالیہ بحران میں بری طرح بے نقاب ہوئی ہے۔ مودی کے خود انحصاری کے جھوٹے دعوئوں کے باوجودکھوکھلی معیشت نے بھارتی عوم کی زندگی کو اجیرن بنا دیا ہے۔
