کراچی ( شوہر ڈیسک)پاکستان کے معروف گلوکار حسن جہانگیر نے حال ہی میں انکشاف کیا ہے کہ انہیں اپنی مشہور گیت “ہوا ہوا” کے ایک حالیہ فلم میں استعمال ہونے پر تقریباً 50 ہزار ڈالر (تقریباً 1 کروڑ 40 لاکھ پاکستانی روپے) کی آمدنی ہوئی ہے۔حسن جہانگیر نے ایک انٹرویو میں بتایا کہ ان کا یہ کلاسک گانا آج بھی مقبول ہے اور فلموں میں استعمال ہونے کی وجہ سے نئی 
نسل بھی اسے سن رہی ہے۔ انہوں نے کہا کہ “ہوا ہوا” کو ریلیز ہوئے تقریباً 40 سال گزر چکے ہیں لیکن اس کی مقبولیت آج بھی برقرار ہے۔گلوکار نے اپنے 1980 کی دہائی کے سنہری دور کو یاد کرتے ہوئے بتایا کہ اس زمانے میں ان کا گانا صرف پاکستان ہی نہیں بلکہ بھارت میں بھی بے حد مقبول تھا۔ انہوں نے بتایا کہ بالی ووڈ اداکار گووندا بھی اس گانے کے حصے گنگنایا کرتے تھے۔ حسن جہانگیر نے یہ بھی بتایا کہ جب وہ بمبئی (ممبئی) گئے تو وہاں ان کا شاندار استقبال کیا گیا اور لوگ اس گانے کو بہت پسند کرتے تھے۔حسن جہانگیر کے مطابق “ہوا ہوا” ایک ایسا گانا ہے جس نے چار دہائیوں تک اپنی مقبولیت برقرار رکھی ہے اور آج بھی مداح اسے سن کر لطف اندوز ہوتے ہیں۔
بھارتی فلم "دھریندر” میں میرا گانا ” ہوا ہوا اے ہوا ” استعمال کے بدلے 1 کروڑ 40 لاکھ روپے ملے : پاکستانی گلوکار حسن جہانگیر کا انکشاف
