غیرت مند تھا ماں بہن بیٹی والا تھا

غیرت مند تھا ماں بہن بیٹی والا تھا اس اکثریت سے الگ تھا جو ظلم پر کان لپیٹ اور آنکھیں بند کر لیتی ہیں،ایک کمزور لڑکی سے کسی اوباش کو زبردستی کر کے ساتھ لے جانے کی کوشش کرتے دیکھا تو رہا نہ گیا اس نے اس لڑکی کو بچانے کی کوشش کی اور اس کوشش میں اپنی بیوی کو بیوہ اور بیٹی کو یتیم کرگیا،گروپ کیپٹن عاصم طارق کو سلام اور اسلام آباد پولیس سے سوال کہ یہ سیف سٹی گوبر میں لتھڑی کس گائے کی دم کا نام ہے ؟ رواں برس کے پانچ ماہ پانچ ماہ میں ساڑھے 8 ہزار سے زائد وارداتیں رپورٹ ہوئی ہیں جن میں 45 گاڑیاں، 854 موٹرسائیکل چوری ڈکیتی کی وارداتوں میں 48 شہری جان سے گئے، اس سیف سٹی پروجیکٹ والے شہر میں اغوا اور زیادتی کے 34 واقعات رپورٹ ہوچکے ہیں،2016 میں چھ ارب روپے کی لاگت سے سیف سٹی پروجیکٹ شروع کیا تھا اب سیف سٹی ایکسٹنشن تقریباً 7.5 ارب روپے خرچ کئے جارہے ہیں اور 4 ارب روپے سے زائد یعنی 4 سو کروڑ روپے سے زائد خرچ ہوچکے ہیں،دنیا میں پولسینگ کے معیار کو جانچنے پرکھنے کے لئے کسی بھی جرم کے ہونے پر پولیس رسپانس کو دیکھا جاتا ہے کہ پولیس جائے وقوعہ پر کتنی دیر میں پہنچی پاکستان میں سیف سٹی پروجیکٹس کے قیام کے وقت پنجاب سیف سٹیز اتھارٹی (PSCA) اور وفاقی وزارتِ داخلہ نے بین الاقوامی سمارٹ سٹیز لندن، نیویارک اور دبئی پولیس کے ماڈل کو سامنے رکھ کر پٹرولنگ فورسز ڈولفن اسکواڈ، ایگل سکواڈ کے لیے 5 سے 8 منٹ کا ہدف باقاعدہ آپریشنل پالیسی کے طور پر مقرر کیا تھا اس حوالے سے کارکردگی کی بنیاد پر فہرست مرتب کی جاتی ہے 2024 میں پاکستان دنیا کے 142 ممالک میں سے 129 ویں نمبر پر رہا جبکہ جنوبی ایشیا میں پاکستان سے پیچھے صرف ایک افغانستان تھا اور 2025 کی رپورٹ میں پاکستان دنیا کے 143 ممالک میں سے 130 ویں نمبر پر رہا یعنی اسکی کارکردگی مزید گری۔۔۔۔جنوبی ایشیا کے حساب سے 6 ممالک میں پاکستان 5 ویں نمبر پر ہے Lower-Middle Income) والے دنیا کے 35 ممالک کی فہرست میں بھی ہم 27 ویں نمبر پر کھڑے ہیں یہ رینکنگ خود پولیس اور حکومتی کارکردگی کے لئے شرمناک ہے لیکن شرم کا ہم سے کیا ۔۔۔۔؟
سیلانی دیکھتا چلاگیا