ایک قیدی کے لئے اڈیالہ جیل کی پوری انتظامیہ تبدیل کر دی گئی،رانا ثناءاللہ کو چھوٹی سی کال کوٹھری میں رکھا تو ہم نے تو شور نہیں مچایا،عطا تارڑ

اسلام آباد(نمائندہ خصوصی)وزیراعظم کے معاون خصوصی عطاءاللہ تارڑ نے کہا ہے کہ ایک قیدی کے لئے اڈیالہ جیل کی پوری انتظامیہ تبدیل کر دی گئی ،رانا ثناءاللہ کو چھوٹی سی کال کوٹھری میں رکھا گیا تھا ہم نے تو شور نہیں مچایا۔بدھ کے روز اسلام آباد میں پریس کانفرنس کرتے ہوئے انہوں نے کہا کہ غیرملکی فنڈنگ کا کیس بھی کوئی معمولی معاملہ نہیں ہے ،غیرملکیوں کا پی ٹی آئی کو فنڈنگ کرنا ایک سوالیہ نشان ہے ،کسی سیاسی جماعت کو بغیر مقصد کوئی کیوں فنڈنگ کرے گا؟ انھوں نے کہا کہ فارن فنڈنگ کیس سے متعلق قانونی تقاضوں پر کارروائی کی جارہی ہے، فواد چوہدری کی شہباز گل سے متعلق پریس کانفرنس تضادات کا مجموعہ تھی ماضی میں ہم پر بے بنیاد کیسز بنائے گئے جو عین جھوٹ پر مبنی تھے، ایک قیدی کی وجہ سے جیل افسران کے تبادلے کیے گئے ،عمران خان نے شہباز گل کے ملک دشمن بیانیے کی تردید نہیں کی بلکہ پنجاب حکومت نے عمران کے بیان کی تردید کر دی ہے۔ القادر ٹرسٹ پی ٹی ا،ئی کی بلیک منی کو وائٹ کرنے کا ذریعہ تھا ،عمران خان نے القادر یونیورسٹی ٹرسٹ کواپنے کاغذات نامزدگی میں ڈکلیئر نہیں کیا عمران خان نے القادر یونیورسٹی ٹرسٹ کواپنے کاغذات نامزدگی میں ڈکلیئر نہیں کیا آضنیوالے چند دنوں میں ملکی حالات میں مزید بہتری ا،ئے گی ہم عمران خان کے ا،ئی ایم ایف کے کیے مہنگے معاہدوں کا خمیازہ بھگت رہے ہیں۔