اسلام آباد( نمائندہ خصوصی):حریت لیڈر یاسین ملک کی اہلیہ مشعال ملک نے بھارتی کارروائیوں کی شدید مذمت کرتے ہوئے کہا ہے کہ بھارت ظلم، جبر اور گرفتاریوں کے ذریعے کشمیری عوام کی آواز کو دبانا چاہتا ہے، مگر کشمیری قوم اپنے حقِ خودارادیت کی جدوجہد سے پیچھے نہیں ہٹے گی۔یہاں جاری بیان کے مطابق انہوں نے کہا کہ مقبوضہ کشمیر کے علاقے شالیمار میں بھارتی قابض افواج کی جانب سے کشمیری نوجوانوں کی غیر قانونی گرفتاریوں کے خلاف عوام سڑکوں پر نکل آئے،مظاہرین نے بھارتی فورسز کے خلاف شدید احتجاج کرتے ہوئے گرفتار نوجوانوں کی فوری رہائی کا
مطالبہ کیا۔مشعال ملک نے بھارتی کارروائیوں کی شدید مذمت کرتے ہوئے کہا ہے کہ بھارت ظلم، جبر اور گرفتاریوں کے ذریعے کشمیری عوام کی آواز کو دبانا چاہتا ہے، مگر کشمیری قوم اپنے حقِ خودارادیت کی جدوجہد سے پیچھے نہیں ہٹے گی۔مشعال ملک نے کہا کہ بے گناہ نوجوانوں کی گرفتاریاں اور عوام کو ہراساں کرنا بھارتی ریاستی دہشتگردی کا واضح ثبوت ہے۔ انہوں نے عالمی برادری اور انسانی حقوق کی تنظیموں سے مطالبہ کیا کہ مقبوضہ کشمیر میں جاری بھارتی مظالم اور انسانی حقوق کی سنگین خلاف ورزیوں کا فوری نوٹس لیا جائے۔بھارتی فورسز کی شالیمار میں بڑی کارروائی، متعدد کشمیری نوجوان گرفتار کرلئے۔غیر قانونی گرفتاریوں کے خلاف کشمیری عوام سڑکوں پر نکل آئے۔ مشعال ملک نے کہا کہ بھارت طاقت سے کشمیریوں کی آواز نہیں دبا سکتا،مقبوضہ کشمیر میں بھارتی مظالم انتہا کو پہنچ چکے ہیں،کشمیری نوجوانوں کی فوری رہائی کا مطالبہ، شالیمار میں شدید احتجاج کیا گیا،عالمی برادری مقبوضہ کشمیر میں انسانی حقوق کی خلاف ورزیوں کا نوٹس لے۔
