اسلام آباد۔( نمائندہ خصوصی):وارسک فرنٹیئر کور سینٹر (نارتھ) میں بنیادی فوجی تربیت کے 36 ویں کورس کی شاندار پاسنگ آوٹ پریڈ کا انعقاد کیا گیا، ٹریننگ مکمل کرنے والے کورس میں مجموعی طور پر 1350 ریکروٹس نے کامیابی کیساتھ اپنی تربیت 
مکمل کی۔ تفصیلات کے مطابق تربیت مکمل کرنے والے ریکروٹس میں 500 جوانوں نے اسپیشل آپریشنز فورس میں شمولیت اختیار کی، فرنٹیئر کور کے 29 چاق وچوبند جوانوں نے 15 منٹ تک تھری ناٹ تھری رائفل کے ساتھ انتہائی اعلیٰ مہارت اور شاندار پیشہ ورانہ صلاحیتوں کا مظاہرہ کیا۔انسپکٹر جنرل فرنٹیئر کور نارتھ نے تقریب میں بطور مہمان خصوصی شرکت کی ۔ آئی جی 
ایف سی (نارتھ) نے پریڈ کا معائنہ کیا اور تربیت کے دوران شاندار کارکردگی دکھانے والے ریکروٹس کو شیلڈز اور اعزازی شمشیر سے نوازا ۔ ریکروٹ جمیل الدین نے تمام شعبوں میں مجموعی بہترین کارکردگی دکھائی اور پہلی پوزیشن حاصل کر کے اعزازی شمشیر اپنے نام کی۔ پاسنگ آؤٹ پریڈ کی پروقار تقریب میں اعلیٰ سول و فوجی حکام، ریکروٹس کے اہل خانہ اور زندگی کے مختلف شعبوں سے تعلق رکھنے والے مہمانوں نے شرکت کی۔واضح رہے کہ ایف سی نارتھ کا بلوچستان میں امن و امان قائم رکھنے کے لیے عزم غیر متزلزل ہے۔
وارسک فرنٹیئر کور سینٹر (نارتھ) میں 36 ویں کورس کی پاسنگ آوٹ پریڈ
پچھلی پوسٹ
پاکستان اور آئرلینڈ کے درمیان تعلقات، باہمی احترام، امن اور خوشحالی کی مشترکہ اقدار پر استوار ہیں، صدر مملکت آصف علی زرداری کا سینٹ پیٹرک ڈے پر پیغام
اگلی پوسٹاسرائیلی وزیراعظم بن یامین نیتن یاہو نے اپنے زندہ اور سلامت ہونے سے متعلق ایک اور ویڈیوجاری: لاکھوں مسلمان کا قاتل جہنم واصل ہوگیا ہےعرب میڈیا
