کشمیر کے ثقافتی ورثہ کو اجاگر کرنے کیلئے کشمیر فوڈ فیسٹیول کا انعقاد

اسلام آباد( نمائندہ خصوصی):معروف ہوٹل چینز موواین پک نے جمعرات کو کشمیر فوڈ فیسٹیول کا انعقاد کیا جس کا مقصد کشمیر کے خوبصورت خطہ کی بھرپور اور مخصوص کھانوں کی روایات کو فروغ دینا ہے۔تقریب میں سابق سینیٹر مشاہد حسین اور معروف اداکار جاوید شیخ نے بطور مہمان خصوصی شرکت کی جبکہ زندگی کے مختلف شعبوں سے تعلق رکھنے والے مہمانوں کی بڑی تعداد بھی فیسٹیول میں شریک تھی۔اس موقع پر اے پی پی سے گفتگو کرتے ہوئے ہوٹل حکام نے کہا کہ کشمیری کھانے اپنے منفرد ذائقوں اور روایتی پکوانوں اور مٹھائیوں کی وسیع اقسام کے لیے جانے جاتے ہیں ۔انہوں نے مزید کہا کہ اس میلے کا اہتمام کشمیر کے مقامی رنگوں، خوشبوؤں اور مستند ذائقے کو پیش کے لیے کیا گیا ۔اس موقع پر مہمانوں کو کشمیری مٹھائیوں سمیت 17 سے زائد روایتی پکوان پیش کیے گئے۔تقریب کو روایتی کشمیری موسیقی نے مزید اجاگر کیا جو پس منظر میں بجائی گئی جس سے ایک متحرک ثقافتی ماحول پیدا ہوا۔فوڈ میلے کو حاضرین کی طرف سے پرجوش ردعمل ملا جنہوں نے ایک ہی چھت کے نیچے کشمیر کے بھرپور پاکیزہ اور ثقافتی ورثے کا تجربہ کرنے کے موقع کو بھی سراہا۔