واشنگٹن : سامان ڈیلیور کرنے والے ایمازون ڈرائیور کو گھر کے دروازے پر خونخوار ریچھ ملا جسے دیکھ کر ڈیلیوری بوائے کے اوسان خطا ہوگئے۔
امریکا میں اکثر وبیشتر جنگلی جانور باالخصوص ریچھ گھروں میں داخل ہوتے نظر آتے ہیں یا داخل ہونے کی کوشش کرتے ہیں جو شہریوں کو شدید خوف میں مبتلا کردیتے ہیں۔
ایسا ہی ایک اور واقعہ امریکا میں ایک ایمازون ڈرائیور کے ساتھ پیش آیا جہاں ڈیلیوری کے دوران نوجوان کی جنگلی جانور دیکھ کر حواس باختہ ہوگیا۔
ڈیلیوری بوائے ایک گھر میں سامان پہنچانے گیا تو گھر کے مالک نے ڈیلیوری بوائے کو متنبہ کیا کہ گھر کے مین گیٹ پر خونخوار ریچھ موجود جو گھر میں گھس آیا ہے۔
ڈیلیوری بوائے گھر مین گیٹ پر پہنچا تو ریچھ دیوار پر چڑھا تاہم ڈیلیوری بوائے نے خوفزدہ ہونے کے باوجود کمال بہادری سے خطرناک ریچھ کو گھر سے بھگایا اور اپنی ڈیلیوری مکمل کی۔
