انٹرنیشنل کرکٹ کونسل نے موجودہ دور کے بہترین بیٹرز میں شمار ہونے والے کھلاڑیوں کی انڈر 19 ورلڈکپ کھیلتے وقت اور آج کے دور میں شاٹ سلیکشن کے حوالے سے ایک ویڈیو جاری کی ہے۔
آئی سی سی کی جانب سے سوشل میڈیا پر ایک ویڈیو شیئر کی گئی ہے جس میں بابر اعظم، ویرات کوہلی، اسٹیو اسمتھ، جو روٹ، کے ایل راہول اور بین اسٹوکس کو ماضی میں انڈر 19 ورلڈ کپ کے دوران اور اب ایک جیسے شاٹس کھیلتے ہوئے دکھایا گیا ہے۔
آئی سی سی کی جانب سے موجودہ دور کے بہترین کرکٹرز میں شمار ہونے والے کھلاڑیوں کی ویڈیو شیئر کرنے کے ساتھ ایک کیپشن بھی تحریر کیا گیا ہے۔
انٹرنیشنل کرکٹ کونسل کے انسٹاگرام اکاؤنٹ پر شیئر کی گئی ویڈیو کے ساتھ لکھا ہے، ‘تیکنیک بدل گئیں لیکن کلاس باقی ہے’۔
آئی سی سی کی جانب سے صارفین سے یہ بھی پوچھا گیا کہ سب سے زیادہ کس کھلاڑی نے اپنی تیکنیک بدلی؟ جس پر صارفین کی جانب سے جواب بھی دیے جا رہے ہیں۔
