اسلام آباد(اسپورٹس رپورٹر)
پاکستان کے15کیوئسٹ پروفیشنل سرکٹ میں کھیلنے کے لیے بنکاک پہنچ گئے ، ٹیم میں سابق عالمی چیمپئن محمد آصف ، سابق جونئیر عالمی چیمپئن نسیم اختر اور منیجر شعیب عارف شامل ہیں پرو سنوکر کی جانب سے پاکستان بھر کے سنوکر کلبوں میں مقابلوں کے بعد پروفیشنل سرکٹ میں کھیلنے کے لیے پندرہ کھلاڑیوں کا انتخاب کیا گیا ،جن میں سابق عالمی چیمپئن محمد آصف ، سابق جونئیر عالمی چیمپئن نسیم اختر سمیت اسجد اقبال ، حمزہ اکبر ، حارث طاہر ، محمد شہباز ، احسن جاوید ، مبشر رضا ، عمر خان ، اظہر خان ، مانی میمن اور عمر میمن شامل ہیں ، پاکستانی کھلاڑی رائل بنکاک سپورٹس کلب میں دنیا بھر سے آئے کھلاڑیوں کے ساتھ کھیلیں گے ۔
ٹیم منیجر شعیب عارف کا کہنا ہے کہ پاکستان میں ٹیلنٹ کی کوئی کمی نہیں، تھائی لینڈ میں کیو سکول کی جانب سے کھیل کر یہ کھلاڑی برطانیہ میں پروفیشنل سرکٹ میں بھی کوالیفائی کریں گے ، ان تمام کھلاڑیوں کو ابھی ایک نجی ہاوسنگ سوسائٹی کی جانب سے سپانسر کیا جارہا ہے لیکن مستقبل میں حکومت اور دیگر سپانسرز کو بھی اس کھیل کے فروغ کے لیے تعاون کرنا چاہئیے
