بھارتی بورڈ کی ایک اور بڑی نااہلی یا سوتیلا سلوک؟ افغان کرکٹ ٹیم رکشوں اور موٹرسائیکلوں پر گراؤنڈ پہنچنے پر مجبور

دہلی ( اسپورٹس ڈیسک) بھارتی بورڈ کی ایک اور بڑی نااہلی یا سوتیلا سلوک؟ افغان کرکٹ ٹیم رکشوں اور موٹرسائیکلوں پر گراؤنڈ پہنچنے پر مجبور​افغانستان کرکٹ بورڈ نے بھارتی بورڈ (BCCI) کے رویے پر سخت احتجاج کرتے ہوئے رابطہ تو کیا، لیکن دو دن گزرنے کے باوجود تاحال بھارت کی طرف سے کوئی جواب نہیں آیا۔​بھارتی میڈیا کے مطابق دوسرے ون ڈے میچ کے موقع پر حد تو تب ہو گئی جب مہمان ٹیم کو گراؤنڈ لانے کے لیے بس ہی نہیں پہنچی۔ میچ شروع ہونے میں چند لمحے باقی تھے اور آخر کار ہوٹل انتظامیہ نے ایمرجنسی میں افغان کھلاڑیوں کو رکشوں اور موٹرسائیکلوں پر گراؤنڈ پہنچایا۔ یہی نہیں، میچ ختم ہونے کے بعد بھارتی ٹیم کو تو بس فوری ہوٹل لے گئی، لیکن افغان کھلاڑی ایک گھنٹے تک گراؤنڈ میں ہی خوار ہوتے رہے۔​بھارتی میڈیا کا دعویٰ ہے کہ بس خراب تھی، لیکن سوال یہ پیدا ہوتا ہے کہ کیا اتنے امیر بورڈ کے پاس صرف ایک ہی بس تھی؟ اور اگر بس خراب تھی تو انڈین ٹیم کس بس میں بیٹھ کر گئی؟​یاد رہے کہ یہ کوئی پہلا واقعہ نہیں ہے، اس سے قبل ٹی20 ورلڈ کپ کے دوران بھی جب افغان ٹیم بھارت پہنچی تھی تو کھلاڑیوں کو ایئرپورٹ پر 5 گھنٹے بس کا انتظار کرنا پڑا تھا۔ تاریخ میں پہلی بار ایسا ہوا ہے کہ کسی انٹرنیشنل کرکٹ ٹیم کو رکشوں اور بائیکس پر میچ کھیلنے جانا پڑا۔