پہلا آل کراچی حاجی حبیب الرحمن مرحوم یادگاری فٹبال ٹورنامنٹ فائنل 2026 مدھو محمڈن نے عبدل ایف سی کو ہراکر ٹرافی پر قبضہ جمالیا

کراچی ( اسپورٹس رپورٹر)پنجاب گراﺅنڈ شاہ فیصل کالونی میں سرپرست حاجی محمد الیاس اعوان کی جانب سے پہلا آل کراچی حاجی حبیب الرحمن مرحوم یادگاری فٹبال ٹورنامنٹ کا فائنل ڈی ایف اے ایسٹ کی مدھو محمڈن فٹبال کلب نے ایک سخت معرکی کے بعد عبدل ایف سی کو ایک کے مقابلے میں دو گول سے شکست دیکر ٹرافی پر اپنا قبضہ جمالیا ،ہزاروں تماشائیوں سے بھر پنجاب گراﺅنڈ شاہ فیصل کالونی میں دونوں تمیوں نے شاندار کھیل کا مظاہرہ کرتے ہوئے تماشائیوں سے خوب داد وصول کی۔فاتح ٹیم مدھو محمڈن فٹبال کلب کی جانب سے عدیل اور علی نے گول اسکور کئے جبہ عبدال ایف سی کا واحد گول عدنان نے اسکور کیا۔فائنل کے مہمان خصوصی پاکستان مسلم لیگ (ن) سندھ کے سینئر نائب صدر علی اکبر گجر،پاکستان فٹبال فیڈریشن کے سی ای او شاہدنیاز کھوکھر، سندھ فٹبال ایسوسی ایشن کے صدر محمد اعظم خان، پی ایفایف ایگزیکٹو کمیٹی کے رکن عابد حسین ، کرنل نعمان ،صدر ریفری ایسوسی ایشن محمد شفیق ،چوہد ری اظہر صدر ڈی ایف اے جہلم،انجیئنر راشد اعوان،صدر تنظیم الاعوان ،ملک زاہد اعوان ،ممتاز علی اعوان، ندیم دائم،خالد اعوان،حاجی محمد فاروق اعوان،بختاور بنگش سمیت دیگر مہمان اور فٹبال لورز کی بڑی تعداد موجود تھی۔فائنل کے اختتام پر مہمان خصوصی علی اکبر گجراور چیف آرگنائزر حاجی محمد الیاس اعوان نے فاتح ٹیم مدھو محمڈن کے کپتان کو وننگ ٹرافی کے ساتھ ایک لاکھ روپے کیش انعام دیا۔ رنراپ عبدال ایف سی کو 50ہزار روپے ٹرافی کے ہمراہ دیئے گئے۔ چیف آرگنائزر حاجی محمد الیاس اعوان نے خطاب کرتے ہوئے تمام شرکاءکا شکریہ ادا کرتے ہوئے کہا کہ اس شاندار فائنل کو کامیاب کرانے میں سب دوست بھائیوں نے اہم کردار ادا کیا، جس پر میں اپ سب کا بے حد مشکور ہوں ۔