بابراعظم اس میچ میں انتہائی ڈرپوک رہے۔ اپنی ففٹی کے لیے کھیلیں گے تو یہی نتیجہ ہوگا، گوتم کی بابر پر سخت تنقید

احمد آباد ( نیٹ نیوز)سابق بھارتی اوپنر گوتم گھمبیر بابر اعظم پر برہم ہوگئے، روایتی حریف کے خلاف ان کے کھیلنے کے انداز کو شدید تنقید کا نشانہ بنا ڈالا۔گھمبیر نے کہا کہ بابراعظم اس میچ میں انتہائی ڈرپوک رہے۔ ایک پارٹنرشپ کے دوران دو بیٹرز ایک جیسی بیٹنگ نہیں کر سکتے، ان میں سے ایک کو چانس لینا پڑتا ہے۔انھوں نے کہا کہ اگر آپ صرف ففٹی اسکور کرنے یا اپنے رنز بنانے کے لیے کھیل رہے ہیں تو آپ کو ایسے نتائج ہی ملیں گے۔ پاکستان کے پاس بہت مضبوط بلے باز ہوا کرتے تھے، اب ٹاپ آرڈر میں ان کے پاس ایک بھی ایسا بیٹر نہیں جو جارحانہ بیٹنگ کر سکے –