کراچی ( نمائندہ خصوصی )سی ٹی ڈی نے کالعدم تنظیم داعش کے اہم کمانڈر کو گرفتار کرکے اس کے قبضے سے 30 بور پستول برآمد کرلی تفصیلات کے مطابق سی ٹی ڈی نے کراچی کے علاقے کورنگی انڈسٹریل ایریا میں کارروائی کرتے ہوئے کالعدم تنظیم داعش کا اہم کمانڈر گرفتار کرلیا۔سی ٹی ڈی بتایا کہ کالعدم تنظیم داعش کے کمانڈر عبدالمالک کے قبضے سے 30 بور پستول بھی برآمد کرلیا گیا ہے۔سی ٹی ڈی حکام کے مطابق گرفتارداعش کمانڈر نے دوران تفتیش اہم انکشافات کئے، کمانڈر عبد المالک حوالہ ہنڈی کا کام بھی کرتا ہے۔حکام نے کہا ہے کہ ملزم 2011سے داعش ملاعبدالمنان گروپ سے وابستہ ہے اور افغان شہریت کا حامل ہے جبکہ عرصہ دراز سےکراچی میں مقیم ہے۔سی ٹی ڈی کا کہنا تھا کہ ملزم رمضان المبارک میں چندہ اکٹھا کر تا ہے اور جمع شدہ چندہ افغانستان میں داعش کوبھجواتا ہے۔حکام کے مطابق گرفتارملزم حوالہ ہنڈی کے ذریعےبھاری رقم افغانستان بھیج چکا ہے ،ملزم کے موبائل فون سے اہم معلومات ملی ہیں۔
