کراچی(نمائندہ خصوصی) پاکستان اور متحدہ عرب امارات کی بحری افواج کی دو طرفہ مشق نصل البحر 4 کا انعقاد کراچی میں ہوا۔ مشق کے دوران مختلف قسم کے بحری آپریشنز اور لائیو ویپن فائرنگ کا عملی مظاہرہ کیا گیا۔ پاک بحریہ کے سربراہ ایڈمرل محمد امجد خان نیازی اور اماراتی بحریہ کے ہیڈ آف نیول ٹریننگ برگیڈیئر اسٹاف عبداللہ سلطان نے شمالی بحیرہ عرب میں لائیو ویپن فائرنگ کا مشاہدہ کیا۔پاکستان اور متحدہ عرب امارات کی چوتھی بحری مشق نصل البحر کا مقصد دونوں ممالک کے مابین مشترکہ آپریشنز کی صلاحیتوں، آپریشنل تیاریوں اور پہلے سے موجود دو طرفہ تعلقات کو مزید فروغ دینا تھا۔ مشق کا اہم حصہ دونوں بحری افواج کے بحری و فضائی یونٹس سے فائر پاور کا مظاہرہ تھا۔ تمام یونٹس نے اپنے اہداف کو کامیابی سے نشانہ بنایا۔
اس موقع پر پاک بحریہ کے سربراہ ایڈمرل محمد امجد خان نیازی نے ہر قسم کے خطرات سے نمٹنے کے لیے پاک بحریہ کی آپریشنل تیاریوں پر مکمل اطمینان کا اظہار کیا۔ نیول چیف نے دونوں بحری افواج کی جانب سے مشترکہ لائیو ویپن فائرنگ کے کامیاب انعقاد کی تعریف کی جس سے دونوں برادر ممالک کے درینہ تعلقات مزید مضبوط ہوں گے۔
مشترکہ مشقوں کے انعقاد سے حاصل ہونے والے پیشہ وارانہ تجربے سے دونوں بحری افواج کے مابین مضبوط تعلقات کو مزید فروغ ملے گا۔
پاک بحریہ کا متحدہ عرب امارات کی بحریہ کے ساتھ دوطرفہ بحری مشقوں کے دوران فائر پاور کا شاندار مظاہرہ
Previous Post
فیصل واوڈا کے بیان پر ادارے اور وزارت داخلہ ایکشن لیں، گورنر سندھ کچھ سیاست دان پاکستان میں ہر چیز کو سیاست کی نذر کر رہے ہیں،کامران خان ٹیسوری
Next Postعمران خان کی جان کو خطرہ ہے ،اس حوالے سے تھریٹس موجود ہیں ‘ ملک میں انقلاب آچکا ،عمران کی وجہ سے پاکستان سری لنکا نہیں بنا ،قیادت نہ کر رہے ہوں تو لوگ حکمران طبقے کو گھسیٹ کر نکالیں ، فواد چوہدری
